مصر يا امه يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاشف
كل ماضي و كل آتي
عقدتين و التالته تابتة
تركبي الموجة العفية
توصلي بر السلامة
معجبانية و صبية.. يا بهية
لما ييجوا النهارده يشوفوا شوية شباب, واحد يقول "مصر يا اما يا سفينة" , واللي حواليه يرددوا بصوت عالي والابتسامات لا تفارق وجوهم " يا رب تغرق ... يا رب تغرق ".
يا ترى لو هما وطنيين بجد ... هيعلموا ايه؟
لو واحد من قدماء المصريين , اللي كان بيعتبر النيل رمز الحضارة والنماء والأمل والعطاء وكان عارف ان اي ضرر ممكن يسببه المواطن في النيل يعتبر خيانة عظمى, وشاف كورنيش النيل النهارده في اي محافظة في محافظات مصر, هيكون رد فعله ايه؟
طب سيبونا من بتوع زمان وخلونا في البني آدمين اللي عايشين النهارده, وبيجوا من كل العالم عشان يشوفوا مصر بلد الحضارة , اللي تاريخها مليان بالعجائب والغرائب والانتصارات, لما ينزل مصر ويلاقي واحد من شباب مصر بيعلق على حاضر بلده ويقول:
"لو نيلك يا مصر صلصة مش هيكفى الكوسة الى فيكى"
هيكون رأيه في بلدنا ايه؟!!
بس المشكلة اللي بجد لو ان المقولات دي والتصرفات دي بتعبر عن شعب مصر بجد , وانها مش مجرد ترويح عن النفس بسبب الضغوط اليومية والكبت اللي عايشه المجتمع المصري
وده يخليني اتساءل , يا ترى لو دخلنا في حروب تاني هنلاقي شباب يدافع عن مصر, ولا كل الناس هتهرب وكله يقول نفسي نفسي؟
وحتى لو اعتبرناها ترويح عن النفس, هل يصح انها تكون بالانتشار ده؟
ويا ترى العيب في مين, فينا احنا كشباب, ولا في الظروف ولا في الحكومة ولا يمكن في البلد نفسها ؟؟
بجد أنا مش عارف!!!
6 عبر مين قدك !!:
بص ياباشا.. انا مقدرش اقول ان الكلام اللي انت بتقوله ده غلط .. هو فعلا وللاسف بيحصل ولكن انا رايي ان ده نتيجة لعاملين: الاول: ان في فئة من الشباب النشئ لم يتربي علي النزعة الوطنيةوبالتالي فالاهتمام بشئون الوطن ودول غالبا اللي عايزين نادي الشمس وانبي بدل من سينا وطابا... ودول من الممكن ان تستغني عنهم غير مأسوف عليهم والحمد لله انهم فئة قليلة.. اما العامل الثاني فهو : نتيجة للظلم والقهر والفساد الذين يرضخ تحتهم ابناء الشعب المصري فيتولد شعور لدي الناس بالكره والغل تجاه تلك الاوضاع الماساوية والمسؤلين عنها وهو ما يندمج مع شعورهم تجاه وطنهم فتتولد تلك الامثال السيئة .. انا اعلم ان ذلك ليس بمبرر لتلك التصرفات الخاطئة ولكن ليس لنا ان نلوم مظلوما بدلا من ان نلوم الظالم .. فانا وانت من الممكن ان تصدر عنا مثل تلك لاقوال التي نرفضها اذا تعرضنا لمثل تلك الظروف البائسة ولكن ذلك يكون من وراء قلوبنا وبدون احساس.. فنحن وفي نفس الوقت لا نقبل ان يهين احد وطننا الغالي مصر سواء كان مصريا او غريبا وننهره بشده .. هذا اذا لم يصل الامر الي حد الشجار.. فنحن نحب وطننا بلا شك وندين له بالفضل في كل ما ننعم به وان كان قليلا .. ولكنها الظروف الصعبة التي لا يطيقها انسان
معلش هكمل ردى هنا فى المدونه بالنسبه للحرب
لو فى حرب هحارب ولا لاء
اولا لو كنت ولد اكيد هحارب مش عشان الشهامه هتاخذنى اوىاد ما هبقى حقير لو مش خرجت دافعت عن تراب المكان اللى بعيش فيه ولانه ده من تعاليم دينى ومش كان هيثبت ولا يرسخ فيا غير بامثله اللى بقتدى بيهم
ثانيا مش معنى 1لك انى لو حصل لا قدر الله حاجه فى بلدى مش هدافع عنها ابدا والله بس من موقعى
ولو قدرت اكون على الجبهه هكون اكيد ومش هتاخر لان فى محفز داخلى بيغلى جواى عشان يعطينى الاحساس والقوه دى وفى سبيله انسى كل المصايب اللى ممكن اتعرض ليها
بجد كلامك صح
للاسف....
حلو جدا جدا جدا المقارنة اللي وضعتها بينا وبينهم
بين ناس كانت بتحب بلدهل وبين ناس مستنيه الفرصة عشان تبعد عن ارضها
موضوع جميل
ربنا يصلح حالنا وحال المسلمين
إرسال تعليق